درس تعليم الرسم على الزجاج والمرآيا والسيراميك

[جمال على]

بسم الله الرحمن الرحيم
السلام عليكم ورحمة الله
أهلا بيكم........ حقا عندما يذوب الضوء عشقاً فى الألوان . ويطيب للضوء المكوث
لأطول فترة ممكنة من الزمن مأثورا مشدوها بسحر الأبداع.........................
فى درسنا هذا سنتعلم بأسهل إسلوب كيف نرسم على الزجاج والمرآيا والسيراميك


ده بقى يا عم الحج أنبوب سائل التحدبد ( الرليف ) بنحدد بيه الرسم . أزاى ؟ هتعرف بعد شوية.



ألوان الزجاج ...... ونفس حجم وشكل العبوة والماركة عادة ألوان السيراميك . .بعد العمر
ده والخبرة مش عارف الفرق بينهم . طول عمرى بأرسم على الزجاج بالنوعين معا يعنى ألوان
زجاج وسيراميك وبأرسم على السيراميك بألوان الزجاج والسيراميك معاً .
المهم فيه نوع بنخفه بالماء العادى وبيعطى لون مط يعنى غير لامع . ونوع بنخفه بالتنر وبيعطى لون
لميع . وفيه ألوان الرسم على النوافذ ولازم يبقى شفاف طبعأ لنفاذ أكبر كم من الأضائة .
أو لو عايز تشترى مخفف من البائع أنت حر بس . هتلاقى كام نقطة فى الزجاجة وبالشيىء الفلانى
طيب وليه ؟ ما تخف بالتنر أرخص وعلى ضمانتى . وطبعاً ألوان تخفف بالماء يعنى الفرش مكان الرسم
تنظف بالماء والنوع التانى تنظف الفرش بالتنر
نقول باقية الأدوات ..

دى بقى يا حج أنابيب جيل للرسم البارز على الزجاج . وممكن تصبها فى أى فورم وتسيبها لما تنشف
وتخرجها تلاقيها تشكلت بالفرم أو الشكل الى حطيتها فيه وبعدين تلزقها فى المكان الذى تحبه ضمن
اللوحة كشكل بارز مجسم .فهمتنى ؟


من ضم الأدوات جهز بجانبك قطارة . عيدان خلة ..أسفنج . فرشة أسنان قديمة وغيرها
المهم أى حاجة تعطى تأثيرات على عملك . خليك جريىء ومبدع وجدد ولا تكن تقليدى
ضيف أى تأثير تراه جديد أو غريب أو جميل .
ضع ألوانك فى بالته ذات عيون وخفها حسف الحاجة وحسب نوع الألوان كما قلت لك
لو ألوان وسيطها ماء تتخف بالماء .. الألوان الأخرى خفها بالتنر .

وده بقى يا عم الحج أسمه البترون. يعنى عبارة عن الرسم الى سيادتك عايز ترسمه على الزجاج
إذاى يا خال؟؟؟ سيادتك تروح لبائع الزجاج وتديله مقاسات اللوحة بتاعتك ويقطعلهالك وترجع البيت تحط الرسمة الى عندك ( الباترون) تحت الزجاج وتظبطه قوى وتثبته من الخلف على الزجاج بالشريط الأصق عشان ما يتحركش ويبوظلك الدنيا........ بقى عندك ايه دلوقتى ؟
قطعة زجاج تحتها الرسمة . وطبعا شايفها .أبدأ حدد الرسم بأنبوبة التحديد ( الريليف)
خلى أديك وهيا بتضغط على الأنبوب متزنة و عمودية بقدر الأمكان وخلى خيط السائل
يكون إندفاعه مستمر وهوا خارج من الأنبوب......بعد لما تنتهى حتلاقى عندك الرسم
بقى على الزجاج بالرليف ... شيل الرسمة من تحت الزجاج .خلاص مش عايزينها
وأبدأ لون وإستمتع ......... أزاى ؟؟؟؟؟؟؟؟؟؟؟؟ أقولك
عايز أقولك لو اللوحة زجاج نضع الرسم أسفلها ونحدد بالرليف . طيب لو مرآيا ...........
نحطها على وش المرآيا ونكربنهم . يعنى فرخ كربون فى الوسط ونمشى بالقلم الرصاص
على حدود الرسم . فيطبع على وجه المرآيا .وبعد كده تفوت عليه تانى بس بسائل التحديد
الى هوا الريليف............ اظن أنا ماشى معاك تاتا تاتا . عشان ما تقلش حارمك من حاجة
نعيش بقى مع الجمال والأبداع

لو الطقم ده كان خزف أرسم الرسمة عليه ولون بألوان السيراميك . وألوان الزجاج ماشى برضك
ولو كان زجاج أرسم برضك ولون بألوان الزجاج أو باللتنين .. أنا بأعمل كده بأرسم بالنوعين على
الزجاج والسيراميك.

الفازة دى لو خزف إحنا عرفنا . طيب لو زجاج وعايز تلون الأرضية .خفف شوية لون وضعهم
بداخلها ورج اللون قوى وأجعله يغطى كلى جوانبها . وبعد الجفاف هتلاقى الفازة أصبحت باللوان
الذى تريده لها كأرضية . وطبعا من الخارج تنقل الرسم بالكربون وتلونه .

طقم أكواب كان أبيض سادة ضفنا له رسم وشكل جمالى

طبق رسمناه ولوناه .










زمان كنا بنحفر هذه الرسوم على الزجاج بواسطة تغطيتها بشريط لصق الذى يباع عند بتاع الدوكو
ونفرغ الرسم بالقطر . ثم نوصل مسدس الرمل بالكمبريسور ( ضاغط الهواء ) ونسلط تيار الرمال المندفع
بقوة ليحفر المكان المفرغ فقط من الرسم . يعنى بعد نزع شريط اللصق يصبح عندى الرسم محفور علىالزجاج أو المرآيا .والآن ممكن ترسم الرسم وتروح تحفره بالليزر .





على فكرة فيه ألوان بتعطى ملمس الحصى أو تأثير الأحجار الكريمة أو الأصداف وكمان أنت ممكن
تسيح الألوان فى بعضها وتتحكم فيها وتعطى تأثيرات إبداعية رائعة ..... كله حسب أبداعك


الى قلتلك عليها








باترون الرسم الفتت





أرجو أن تستفيدوا وأرجوا أن يعجبكم الدرس .....وعندى دروس كثيرة لو تحبوا .

[اصَالُه بَيْت الْعِز]

السلام عليكم
اشكرك اخي جمال علي الدرس الوافي
جزاك الله كل الخير

[سحاب]

[جمال على]

بسم الله الرحمن الرحيم
السلام عليكم ورحمة الله

شكراً أختنا أصالة .مروك بالموضوع أسعدنى ..بارك الله فيكى
تحياتى وإحتراماتى.

[جمال على]

بسم الله الرحمن الرحيم
السلام عليكم ورحمة الله

شكرا مرورك الجميل أختنا سحاب ...بارك الله فيكى
تحياتى وإحتراماتى.

[سليم علي]

اشكرك على هذا الموضوع الشيق ارجو منك المزيد
سليم علي


وبمناسبة عيد الام وعيد المعلم العربي تحية حب الى جميع اعضاء المنتدى والعاملين عليه

[زهرة تونس]

بارك الله فيك و جزاك الله عنا
كل خير

[جمال على]

بسم الله الرحمن الرحيم
السلام عليكم ورحمة الله
شكراً مرورك الرائع أخى سليم على .بارك الله فيك
تحياتى.

[جمال على]

بسم الله الرحمن الرحيم
السلام عليكم ورحمة الله
زهرة تونس . ألف أهلا بيكى . نورتى صفحتى
تحياتى

[رحمه]

السلام عليكم ورحمة الله وبركاته

اخي طرح مميز واسلوب بسيط وطيب

جزاك الله خيرا